Hallo julle,

Ek is sommer nou woedend. Oppad huis toe op RSG is daar die polisieman wat reken hy het 5 jaar vir die polisie gewerk, en in al sy tyd het hy nie een keer bewys gekry dat waar daar ingebreek was en mense se hulle het nie wakker geword nie, dat daar iets in die huis in gespuit was nie. Hy reken mense suip en dan slaap hulle te vas!!!

Nou soos julle weet het dit baie sleg gegaan met ons op 'n tyd. Ons het nie krag gehad nie, en moes oor die weg kom met parafien lampe en kerse vir lig. Daar was nie eers geld vir kos nie, en ons drink ook nie. Veral as mens nie eers meel kan bekostig om te eet nie. Nou wonder ek net, hoekom sou ons dan nie wakker word nie. Die bliksems het my hele huis leeg gedra en alles verwoes wat oor was. En ons het eers wakker geword toe hulle in ons slaapkamer inkom. En nie wakker soos in helder wakker nie, wakker soos in 'n beswyming.

Ek glo vas hulle moes iets gedoen het sodat ons nie kon wakker word nie, en toe dit veilig is vir hulle om in die slaapkamer in te kom, het hulle. Hulle het nie rekening gehou met die feit dat ons sou wakker word nie. Mense is maklik om te praat. Ek sommer hardop gese die ou moet sy mond gaan was want hy praat kak.

Blommie, ek begin al hoe meer daaraan dink om te bedank. Sien ek werk want die maatskappy het my gevra om te kom uithelp. So ek is net daar op kontrak basis. Die koue laat my rerig daaraan dink. Ek is ook 'n groot pissie wat die koue aan betref.

Gypsyo, Kom ek se vir jou, mense kyk anderpad. Of altans dit is die neiging. Hoekom sal iemand jou te hulp snel as die kanse daar is dat hulle ook geskiet gaan word. Niemand sien nooit niks raak nie. Ons het in die dorp gebly waar hulle 3 keer ingebreek het. Bure al om ons, en geen hoe mure nie. En as jy vra of het hulle gesien wie was in die erf...."o nee jammer. het niks gesien nie"

Ons is in die besigheid van sekuriteit en veiligheid. Ons doen electric fencing en hekmotors ens. Jy kry baie goeie motors wat baie vinnig toemaak. Dis waar dat 2 hekke wat oopswaai stadiger toemaak. Ons eie hek het geen beams op nie, want dis baie maklik om in te kom voor die hek toe is. 'n Mens moet altyd op die uitkyk wees vir enige iemand wat in jou straat rondloop ef staan. As jy so iets opmerk, ry verby. Maak so 2 draai in die straat en as hulle nog daar is, gaan poliestasie toe en gaan meld dit aan. Of hou jou sekuriteitsmaatskappy se panic button byderhand, en druk hom.

Ek het so rukkie terug my gat afgeskrik. Ek het ingekom en dadelik die hek gedruk dat hy toemaak, en ingery. Toe ek uit my kar klim staan my man agter my. Hy het ingery voor die hek kon toemaak. Hy het met my geraas, want net so kon dit 'n skelm gewees het. Nou stop ek en maak seker die hek maak toe voor ek inry. As iemand dan wil inkom kan ek net vinnig uitjaag. Al stamp ek die hek. Dit sal minstens lawaai maak en aandag trek. Dis wat die skelms nie wil he nie.

Ek hoop jy kry jou lang skrywe. Ek kan nie dink hoekom die internet so gemaak het nie.

Nou ja, my vingers is stokstyf van die koue. Ek gaan eers bietjie by my koolstoof staan en warm kry. Lekker aand vir julle

Liefde groete

Sonneblom