Opgestaan vanoggend, en skielik is dit weer winter. Al wat verwarmer is in die huis is aan. En ons moet buite gaan werkies vandag. Wonder so in my binneste of gaan dit gebeur. Raak te snoesig hier voor die rekenaars.

Soos ek al ge"hint" het, het my lewe weer van rigting verander Vrydag. Ek het toe mos nou Woensdag bedank, en is nou weer eens my eie baas. Kan nie se watse verligting is dit nie. Nou moet ons net hoop alles werk mooi uit.

Ek het nou maar eenmaal genoeg gehad van 'n gemisbruik deur klomp assholes. En die moods by daai kantoor is iets om oor te lag. Ewe skielik het die kat my daar ingedra. Die mensdom is darem maar snaaks. As iemand skielik hul eie vuil werk moet doen, dan is dit suurgatgeite van 'n ander aard.

En ek kan regtig se, ek gaan glad nie die 5 uur in die oggend opstaan mis nie. Nou kan ek betyds opstaan vir my dogter, op my tyd klaarmaak en dan my werkies hier in my eie kantoor doen. Ek kan nou weer myself word.

My dogter is natuurlik baie bly, want sy hoef nie meer huis toe te loop van die skool af nie. Ek dink van ons almal het sy die feit dat ek gewerk het die moeilikste aangetrek. Ma was nog haar hele skool loopbaan by die huis.

Ek het sommer gister my eerste brood as huisvrou weer gebak. En dit was baie geniet.

Nou ja, ek babbel te veel vandag. Hoop die inspanning was die moeite werd. Ek sal seker nou ook meer tyd kry vir blog. Sal draai maak by almal se blogs so deur die loop van die week.

Lekker Sondaggie vir almal.

Liefde Groete

Sonneblom