Week van Vrydag die 13de

Hi almal, Nou ja, vandag is weer Vrydag die 13de. Terugblik op die week. Dinsdag kon ons nie naby die werk kom nie, weens onluste in die plakkerskamp reg waar ons werk. Ons is deur die polisie verbied om in die gebied in te gaan, en dus moes ons maar huis toe kom. Hulle dring aan op dienste wat hulle nie het nie soos krag, water en huise. Sjoe, wens ons kon dit eis. Ons moet maar ons eie pot krap.

Woensdag wil een van die ouens in die kantoor ons so mooitjies vertel ons moet almal 'n dag se verlof insit. SE GAT!! Ek was daar. Die regeringsmagte het my verbied om te gaan werk. Wil hy so ewe se die wet se:... Ek het nie vir die regering gestem nie, so ek gee regtig nie om wat hulle wet se nie. Hulle sal my verlof en my pay uitlos. Ek sal mos vreeslik aan die baklei gaan hieroor.

Woensdag oggend in Lenasia aangekom, word ons weer gekeer. Die ou saam wie ek ry bliksem toe regdeur die plakkerskamp werk toe. By die werk aangekom was ek 'n wrak. Ek se nou vir julle, die goed wat ons op TV sien is nie naastenby waar nie. Mens kan nie glo hoe vernielsugtig kan hulle wees nie. Hengse groot rotse - weet nie waarmee het hulle dit geskuif nie - le in die paaie rondgegooi. En enige iets wat 'n voertuig tot stilstand kan bring is in die pad gestrooi. Van pilare tot rommel. Orals is bande en wat nog aan die brand gesteek. Karre is met klippe bestook. Dit was totaal 'n gemors. Ons moet duck en dive om verby al die goed te ry.

En dit lyk hulle oproer was verniet. Die burgermeester het hulle glo ingelig dat niks gedoen kan word daar nie, want die hele plakkerskamp is besig om in te sink. Hoe ver dit waar is sal ek nou nie weet nie, maar nou ja. Hulle is weer kalm. Al wat oorgebly het is die swart brandkolle oral op die paaie. Die polisie was sterk sigbaar woensdag deur die dag.

Bonop alles het ek 'n baie siek kind by die huis. Ek is toe half elf Woensdag huis toe . Vir haar meds gaan kry en sy lyk sommer baie beter vandag. My pa moes hof toe Donderdag, oordat sy kar se lisensie verval het en hy R500 boete gekry het. Ek het gedink hulle gaan hom toesluit, maar die staatsaanklaer was seker (gelukkig) in 'n goeie bui, en verminder toe net die boete na R200.

Vandag het ons so bietjie kantoorbraai gehou, en na die tyd is meeste van ons vroeg huis toe. Dis omtrent die beste ding wat die week gebeur het. Sal nog sien wat vang ons die res van die dag aan. Maar dis darem naweek. Was regtig 'n rowwe week.

Ek hoop julle week was meer opwindend as myne.

Julle moet jul naweek geniet.

Liefde groete

Sonneblom