Skattejag

Soos julle kan sien is die 'n stukkie uit 'n baie ou koerant. "sunday times october 22 1950"

More julle mense,

Gaan deur die wind vanmore. Sukkel nogsteeds om geld uit mense se gate te lek. Dis maand einde en ek moet salarisse en my suppliers betaal, en niemand voel ‘n duit. Ek nounet ‘n nice letter of final notice gekry. Begin more oggend, gaan daar paar mense wees wat lekker moerig vir my gaan wees, maar ek kan nie meer worry nie.

Ietsie oor my huisie:

Hoe lyk ‘n plekkie van 106 jaar oud? Net soos dit klink – OUD. En donker, en vuil. Jip, baie vuil. Die was soos ons nou al uitgevind het, die oorspronklik huis van die kole werf hier in die dorp.

Ons het ‘n keuse gehad in watter een van die 2 semi’s ons wil intrek. Het toe maar die een met die meer skoon kombuis gekies. ‘n Piepklein wasbak met ‘n 2 deur staal kas onderaan, ‘n stoof, en dis al. Klein kombuisie.

Nou, dis ‘n semi huis, so dit lyk presies dieselfde back 2 back altwee kante. Als is net omgedraai. Ons het die lang kas in die ander kombuis uitgehaal en buite geskrop, hom toe bygelas in die kombuis van keuse.

Nou stel julle voor, as jy by die kombuis inkom, en lings draai, loop jy in ‘n hok in. Uit daai hok loop die badkamer. As ek by my stoof staan, kon ek die toilet sien. Not so fresh… As jy regs draai, loop die kombuis uit in ‘n klein toegeboude stoep. Toegebou met hout. Vreeeeeslik veilig. Nogals veiligheidshekke en al.

Ons besluit toe ons sal die renovasies aan die anderkant begin. As jy die badkamer, kombuis en stoep gedeelte saam vat, is dit ‘n 9m by 4 m groot area. Besluit toe ons gaan die badkamer en stoep se myre uitruk, en een groot kombuis maak.

Die kombuis (dis nou langsaan) het nog houtvloere in gehad. Nou kyk, houtvloere is mooi, maar in ‘n kombuis??? Nee wat. Ons begin toe die novilon wat bo op die hout gesit is aftrek. Wat kry ons?? Nog 9 lae novilon. Van toeka se dae af tot nou. Van die onderste lae was nog van daai papier soort.

Met al die geruk kry ons toe onder dit – ou koerante. Sommige is gedateer 1948. Skielik word die novilon nie meer uitgeruk nie, maar versigtig afgetrek. Dis was soveel prêt. Die advertensies in daai koerante. Tot van ackermans. En colgate tande room. Was nie eers tandepasta genoem nie. Die koerante is natuurlik dadelik in ‘n plastiek sak mooi gebêre.

En so begin die bou aan die nuwe kombuis. Laat val al die mure binne. Maak die dak veilig en laat val die mure buite om (wat tot ons verbasing – enkel mure was, want sien, dis nog ‘n ou sink huis) en bou nuwe dubbel mure soos dit hoort. . Gooi die nuwe vloer. Koop nuwe ruite – hout rame, small pane. Stable door met small pane venstertjies. Laat maak kombuis kaste met net laaie onder en kaste bo. Net soos ek dit wil he. Cherriewood finish, met charcoal kleur tops.

Die muur wat die een kamer skei van die kombuis kom toe ook sommer uit, en die ou donker kamer word my eetkamer. Kompleet met nuwe houtvloer en al. Die res van daai kant se semi huis se buitemure word ook afgebreek en oorgebou. Met nuwe ruite. Ook die small pane, en baie groter as die oues. Die nuwe badkamer word aangebou waar die eens voordeur was.

Van die plank vloere het ons vervang. Dis was ‘n skattejag van ‘n ander aard. Daar het pennies en ou haarknippies van toet, ‘n ou buskaartjie, kraletjies, ‘n baie ou wynbottel, en nog meer goodies onder die vloere uitgekom. Elke keer as ons onder ‘n vloer moet werk, moes die bouers eers wag sodat ons kon krap. Dit was groter prêt as die ontdekking van die koetante.

Die datums op die pennies: 1867, 1910, 1920, 1924, 1927en 1940

2 Ou half sente: 1962, en 1964

‘n Kwart pennie van 1942 en nog meer.

Agter die kaggel in die sitkamer het ons ‘n brief gekry.van die ou Vaderland koerant aan die ou oom wat hier gebly het waarin hulle hom gevra het om asb sy subskripsie te betaal. Oud presedent JG Strydom was nog een van die derikteure onder aan die brief.

So het ons ‘n terugblik gekry van die mense wat al hier gewoon het. Hoeveel lag en hartseer het die ou huisie al gesien. As mure kon praat. Die ou tannie by wie ons die plekkie gekoop het was teen tye van die koop 91 jaar oud. Sy het vir 15 jaar in die huis gebly. Die ou oom met wie sy getroud was, was ‘n wewenaar en het glo baie baie jare hier gewoon. Maar die brief wat ons gekry het was nie aan hom gerig nie.

Die huisie het ‘n ryk geskiedenis dink ek. Dis nie die mooiste huis in die dorp nie, maar dis ons eie. En as dit die Here se wil is, sal ons nog baie meer geskiedenis aanlas hier. Dit gaan nie vir my oor waar jy bly nie, maar hoe gelukkig jy is met dit wat jy het. En sover, na 2 jaar, is ek nog nie een dag spyt of ongelukkig hier nie.

Ek sal weer kom klets oor die “oupa groetjie” huis. En van die vordering van die renovasies aan die 2de helfde van die huis. Wanneer ons klaar is met hom, sal niemand ooit kan se dit was oom en tannie “D” se sink semi’s nie. Nie eers hul spoke sal die plek herken nie ☺☺☺☺

Lekker dag vir julle almal.

Liefde Groete

Sonneblom